大壹燒鵝 (啟田大廈)

營業中

休息中

今日喺藍田啟田邨附近見到大壹燒鵝新開張，就第一時間就去試試，其實之前都試過馬鞍山嗰間，記得都好好味。今次order咗大壹燒鵝髀瀨粉、燻蹄拼叉燒飯加鹹蛋，再叫咗蒜蓉粉絲蒸開邊蝦。燒鵝髀真係冇得輸，咬落去就feel到好juicy好多肉汁。燒鵝髀皮質又超香脆，鍾意食鵝嘅朋友會食得出大壹燒鵝特別美味。叉燒燻蹄飯就用半肥瘦叉燒，而且肉質脂肪比例分佈平均，面頭嘅蜜汁今叉燒更好味，燻蹄點埋個白醋食同樣令我回味。 開邊蝦就絕對值得推介，d蝦又大隻又夠新鮮，加埋蒜蓉食絕對令人想一隻一隻咁食落去。而最緊要底層嘅粉絲，索曬所有嘅鮮味，撈埋飯食我就最鍾意。