燒味之作

營業中

休息中

燒味飯可算係麻甩飯之選，今日食個三拼飯，豪少少各有乳豬同燒腩仔，但估唔到質素ok wor!!!一般燒味三拼飯係（$62）連熱飲，但我地揀有燒腩仔或乳豬三拼就係（$70）連熱飲了。燒腩仔、叉燒、燻蹄飯燒腩仔皮脆肉香，叉燒好香玫瑰露味，至於燻蹄...而家好似好少有地方供應，點少少醋汁好好味。乳豬、叉燒、油雞飯油雞夠入味，不過切得太碎；乳豬皮肉分明，唔怕肥的話，一啖咬落去，油脂同脆皮融為一體，邪惡但吸引。估唔到呢度燒味質素幾高wor。