英都燒味廚房

營業中

休息中

我成日都會嚟呢度斬料燒味返去加餸，個人比較喜歡叉燒、燒肉、燒鵝(其實炸蝦丸都好正!) ，斬料嗰位師傅亦都好快手，唔使兩三分鐘燒味就包好。間中我lunchtime都會坐低食，通常我會叫四寶飯，叫做咩都有齊，食過幾次都唔會悶。今日下晝 2:30 去試下食燒味下午茶。叫咗一碗燒味雙拼米線 - 叉燒拼燒鴨，叉燒好新鮮鬆化，燒鴨個皮仲小小脆，米線個湯底夠味但唔會好咸。估唔到下午茶價錢，但係一樣食到平時正價燒味嘅質素。唔錯唔錯。下午茶時間冇咁迫人，仲可以坐喺卡位慢慢食，都幾舒服。