美心MX (樂悠居) (已結業)

燒味挑戰100之6最近先知道美心出咗個新嘅app叫做Eatizen，入面有好多優惠，我燒味妹今日就試咗$20下午茶燒鴨瀨粉套餐。餐廳顯示下午茶燒鴨瀨粉套餐要$30Eatizen app就話原價$29 ，下載咗app嘅會員限時特價$20。呢個優惠只係做到11月22號，即係仲有幾日咋。下午茶係2:30開始供應唔係好大碗，而且排列得有啲樣衰，但係都有六大嚿燒鴨，仲有一杯熱飲，真係幾抵。燒鴨都啖啖肉，湯都好夠味，而且仲有幾條青豆。可能瀨粉本身都多油，加埋湯同燒鴨就顯得有少少油膩，不過$20 ，就絕對收貨啦。