神燈燒 (已結業)

門口個牌大大個燈神卡通，成個燒山咁嘅樣，原來係佢開嘅食足3個鐘嘅放題，食物選擇超級多！熟食，刺身壽司燒肉，蒸品，甜品，糖水，任飲酒精飲品仲有清酒！omg!!好多盞土耳其燈，全程播阿拉丁(神燈/燈神),壁畫係jasmine. 環境好闊落，坐得好舒服，慢慢食一d都唔急，大家都可以揀到啱自己食嘅野。手機落單，上菜都幾快。野食擺盤幾有心思，好多裝飾嘅生菜，有時有菠蘿。燒肉最尾要食燒菠蘿，無咁飽幫助消化。個爐係用發熱線，格網燒，唔會彈油，仲可以較火力。都唔容易燒燶。抽氣都幾快，睇到d煙喺爐邊即刻抽走嘅。選擇太多，所以上枱每樣野份量都偏少，但石鍋飯見隔離枱係成個lunch size咁大兜。。。點食啊？~~~Menu有珍珠奶茶，但嗰日賣晒。。。叫咗仙草奶茶，好飲，但無得揀少甜，好夠凍！雪糕紅豆冰勁大舊雪糕，飲野都飽晒！自取飲品櫃勁多野飲揀！仲有雪糕櫃，真係超多野揀！肉方面我地食level 2餐，有特飲，美國安格斯牛肉同水產。刺身質素都唔錯，帶子魷魚，三文魚都幾新鮮軟滑，味道幾濃郁。食早鳥時段最好，一早身已經中午，開始嘅時候就好肚餓，食3個鐘飽到夜晚唔洗食，全日淨係食一餐！