Ocio (已結業)

葵芳會一向人多，食肆多，好多人都會專程過嚟食lunch ，行街， 行商場都就快人夾人， 餐廳亦都少不了要排隊，餐廳食lunch價位，右加一後，大概係75~140hkd. 人流好旺，午餐時段，客似雲來冇停過手， 餐廳主要重質不重量， 色香味俱全，份量就較一般午餐細少少。M5 燒汁牛肉粒意大利飯set 76hkd成碟飯，精華係牛肉粒， 煮完之後上枱八成熟， 唔會韌， 意大利芡汁甜甜地咸咸地， 黏埋一齊，yummy。M6 南瓜露絲瑪莉豬肉腸意大利飯set 76hkd豬肉腸分量都算多，切得細粒， 估計應該都有一條至兩條豬肉腸， 南瓜切到一粒粒同豬肉腸差唔多size， 糊狀既飯及醬汁。餐湯 free磨菇忌廉湯分量雖然小小哋200ml左右， 不過勝在香濃cream， 有蘑菇口感凍檸茶 free冇加糖 ，可以自己添加糖漿 。凍奶茶 free雖然餐廳非常多人，但係店員效率非常高， 等緊飛嘅時候就已經量咗體溫， 入去坐嘅時候已經點咗菜， 唔使三分鐘就即刻上湯， 一飲完湯set lunch就出嚟， 唔使20分鐘已經輕輕鬆鬆食埋離開咗餐廳， 難怪餐廳做到客似雲來，冇complaint。