Popinjays

營業中

休息中

見 popinjays 出左新menu就試試☺️ Gran Crudo海鮮拼盤夠晒豪華，有齊生蠔、紅蝦，海螯蝦、醃製帶子、吞拿魚、魚子醬等，海螯蝦好鮮甜，其他醃製嘅刺身都好出色，配酒一流。Insalata Di Polpo 燒八爪魚同煙燻薯仔，八爪魚勁淋身同富有燒烤香味。兩款手工意大利麵都必點☺️ 自家制三文魚意大利雲吞配檸檬牛油汁，滿滿嘅三文魚同蟹肉，鮮味十足，再配埋檸檬牛油汁都幾夾。紅酒燉牛肉手工意粉，慢煮牛肋肉加埋巴馬臣芝士醬汁一齊煮，個汁勁rich，同埋用左闊條麵真係好掛汁好正。主菜嘅特色南意大利醬汁燒海鱸魚真係大推，用左迷迭香、鼠尾草同檸檬一齊焗，魚皮焗到好脆但魚肉岩岩好，唔乾，連我呢個一般食差熟魚嘅人都覺得幾驚喜。