影片
更多
2019-12-27
1815 瀏覽
是日一班朋友黎慶祝平安夜，呢個燒烤場係井欄樹村，我地黎左呢到燒野食好多年啦，入黎都幾方便，大部分去西貢既車都會經呢到，我地係由坑口厚德街市門口坐11號小巴，留意係坐往彩虹港鐵站方向既11號小巴，唔係去坑口村方向，上車時同司機講聲去井欄樹，一般都會提你落，落左車後落隧道行去對面村口到，再直行行到最入就到燒烤場，燒烤場係最入既位置，假如搵唔到路都可以call店家，佢地都好肯帶你入去。呢到需要預約定，因為佢地都要預人數，最少6人先起爐，唔夠6個都要俾6人錢，而家要先俾500蚊訂金到時找數時扣數，佢而家係150蚊一位任食，野飲就包一罐汽水/一支水。雖然冇講明啦，但其實自帶酒水零食果啲，佢地都冇介意既，有一次幫人慶生，我帶左蛋糕，店家都會幫手雪住。呢到最開心既地方係店家真係好親切，所以先會黎足甘多年。最正係無敵大草原，日頭我都黎過，真係好好視野，係好岩帶小朋友或狗仔黎親親大自然。分前後草地，近燒烤場呢片草地係有啲遊樂設施，有千秋搖搖板呢啲。後草地近入口呢片黎，而家開放左俾人露營，日頭仲有羊羊係到食草。佢燒野食位有上下兩片，下邊係露天位，上邊係有得遮陰位，可以自己同店家要求坐咩位，有位佢地都會盡量
最正係無敵大草原，日頭我都黎過，真係好好視野，係好岩帶小朋友或狗仔黎親親大自然。分前後草地，近燒烤場呢片草地係有啲遊樂設施，有千秋搖搖板呢啲。後草地近入口呢片黎，而家開放左俾人露營，日頭仲有羊羊係到食草。佢燒野食位有上下兩片，下邊係露天位，上邊係有得遮陰位，可以自己同店家要求坐咩位，有位佢地都會盡量配合。
食物種類都有寫哂，睇落唔多，但食落唔會寡，而且質量高，啲食物醃得夠味，丸都唔係差既丸。
食物會準備好哂，唔夠可再添，添指定食物都可以。
任食
$150
96 瀏覽
0 讚好
0 留言
爐會幫手起好，中間自行加炭就可以。
最正食完唔洗自己執，食物又一早準備好哂，爐又有人準備好，咩都唔洗帶，又可以親親大自然，好岩一大班人黎燒野食，最重要店家真係好親切，所以黎左甘多年都仲會黎。
張貼
