九重鮮 (已結業)

夜晚唔知食咩好，屋企人路經紅磡果邊見到九重鮮出左個燒烤套餐所以就買左返黎試試，呢個套餐都幾多野食，仲有紅酒同甜品添！肉類方面豬肉、牛肉同雞肉都有哂，串成一串串同埋已經醃好，燒完即刻食得除左肉類仲有海鮮，包括左本地帶殼蠔，海蝦同海蜆本地帶殼蠔都幾大隻，海水味香，蠔肉都幾飽滿海蝦好新鮮，返到屋企仲係跳跳紮，蝦肉彈牙鮮甜另外套餐跟左3款醬汁，分別係蒜蓉辣醬、沙嗲醬同泰式酸辣醬，我哋就最鍾意蒜蓉辣醬，因為少少辣，好惹味！而沙嗲醬味道都好香，醬汁真係幾出色最後就係甜品，係椰汁果凍！上面係一層椰汁糕，下面就係有椰青水造成嘅果凍，好清甜解膩唔想出去食燒烤，買呢個套餐係屋企食都唔錯