十二味不只是烤魚 (已結業)

這一排經常食川辣雞煲及打邊爐，食都人都脹哂，但又好想食辣野，今次去了這間新開的十二味不只是烤魚，這裏除了烤魚及打邊爐外，還有各款川式主菜及小食，既可滿足我嗜辣的願望，亦可以試試其他邊爐以外的川菜。新疆大盤雞特價 ($88)雞肉嫩滑，不會煮過火，但辣味不夠。隨便涼麵 ($48)夏天熱辣辣，食碗涼麵真係一流，涼麵配上青瓜絲，絕對開胃消暑。燒豬頸肉串 ($68)我望住碟豬頸肉，完全係我預料之外，無諗到少得可憐，豬頸肉切到又薄又窄，仲細舊過我隻手指，十串加埋都唔知有無我1/4塊豬頸肉。但味道係唔錯，肉以孜然粉等調味料醃得入味。炸鮮奶8件 ($48)外面炸得香脆，內裏奶糕又軟又甜，奶味香濃。其實味道是不錯，可惜價錢略貴。