莊園韓國料理 (已結業)

今日突然約了朋友出來食晚飯，心血來潮想食我Fav. 嘅韓國菜，就一於去尖沙咀韓國街一帶看看吃那一間！其實差不多間間我都品嘗過，我喜歡食石頭飯、炒粉絲、辣泡菜豆腐湯。較少食韓燒，因為不太喜歡燒完成陣味和燒都燒焦！最後我們去了莊園碰碰運氣，因為之前食過都要等一等位，平時就算book了位去到都要等。但出奇地星期一晚七時多只有六成客！正！唔洗等位！一坐低，友人說想食BBQ。雖然不是我所想，但來過莊園三、四次都未食過BBQ，一於試下！三人叫了一碟綜合燒..咩都有D燒住先 - 雞、豬、牛、魷魚、蝦落完order，等了一陣, 一下子＋多碟前菜就送到你面前, 好多選擇仲好好食呀!!! 多口間侍應哥哥可唔可以換一碟前菜做泡菜，他索性給我們多一碟, 抵讚!!綜合燒還跟了白飯和清湯！其實都有七成飽，但看見隔離枱食牛肋骨, 吃得津津有味真的不得了，order了一份！yum yum! 好juicy！最後雖然都係燒到成陣味！但總算好好味！