影片
更多
2024-10-02
2589 瀏覽
呢排成日都遲放工煮唔到飯就要出街食🥲（10分為滿分：🌕）味道：🌕🌕🌕🌕🌕🌕🌗🌑🌑🌑泰式燒豬頸肉($88)豬頸肉黎講唔算燒到好熱氣，都叫肥瘦分明，咪道唔算好濃味，所以唔會好快食到好流點埋啲醬辣辣地就更加好食燒牛肉($108)呢個燒牛肉算係呢餐覺得最好食嘅一碟，因為佢嘅燒牛肉燒得剛剛好，唔會好生，亦都唔會好熟，咬落去完全剛剛好唔會韌，份量都好大份啱晒鍾意食肉嘅食肉獸🤪🤪🤪馬拉盞炒通菜($78)呢個馬拉盞炒通菜就真係食唔晒，因為佢非常之油，基本上成個碟都係嗰啲辣油如果有熱水我一定會浸一浸熱水先食，所以最後只可以食到面頭嗰陣菜剩低嗰啲都食唔晒，驚食完會油到肚痾😂😂😂醉貓海鮮炒河粉($88)因為上星期喺尖沙咀個間泰國菜食咗個醉貓炒河，所以喺呢度又想試吓有冇分別，呢個味道就會出啲，而且佢嘅海鮮呢都比較足料有好多魷魚蝦全部都好大嚿嘅我哋揀咗河粉食落都夠滑，所以不過都係一樣就油咗少少，所以食到最後係碟底嗰啲都食唔落🙈泰式椰汁沙冰($35)見依度嘅嘢飲價錢唔算貴，所以都叫咗一杯share嚟飲，因為見隔籬枱好多都有叫椰汁沙冰，所以我地都跟人叫😂😂😂一上枱都俾佢哋份量嚇親好大杯同埋顏色好雪白，飲落嘅椰汁味都
（10分為滿分：🌕）
味道：🌕🌕🌕🌕🌕🌕🌗🌑🌑🌑
泰式燒豬頸肉($88)
豬頸肉黎講唔算燒到好熱氣，都叫肥瘦分明，咪道唔算好濃味，所以唔會好快食到好流點埋啲醬辣辣地就更加好食
燒牛肉($108)
呢個燒牛肉算係呢餐覺得最好食嘅一碟，因為佢嘅燒牛肉燒得剛剛好，唔會好生，亦都唔會好熟，咬落去完全剛剛好唔會韌，份量都好大份啱晒鍾意食肉嘅食肉獸🤪🤪🤪
馬拉盞炒通菜($78)
呢個馬拉盞炒通菜就真係食唔晒，因為佢非常之油，基本上成個碟都係嗰啲辣油如果有熱水我一定會浸一浸熱水先食，所以最後只可以食到面頭嗰陣菜剩低嗰啲都食唔晒，驚食完會油到肚痾😂😂😂
醉貓海鮮炒河粉($88)
因為上星期喺尖沙咀個間泰國菜食咗個醉貓炒河，所以喺呢度又想試吓有冇分別，呢個味道就會出啲，而且佢嘅海鮮呢都比較足料有好多魷魚蝦全部都好大嚿嘅我哋揀咗河粉食落都夠滑，所以不過都係一樣就油咗少少，所以食到最後係碟底嗰啲都食唔落🙈
泰式椰汁沙冰($35)
見依度嘅嘢飲價錢唔算貴，所以都叫咗一杯share嚟飲，因為見隔籬枱好多都有叫椰汁沙冰，所以我地都跟人叫😂😂😂一上枱都俾佢哋份量嚇親好大杯同埋顏色好雪白，飲落嘅椰汁味都好重，不過飲多幾啖好快就會得返啲冰嘅味道，要慢慢等佢溶先至可以再飲下一啖，所以唔算非常非常好飲🙈
價錢：🌕🌕🌕🌕🌕🌕🌕🌗🌑🌑
如果以價錢嚟講就唔算非常之貴，每樣菜式嘅單價都可接受，份量都係算中常即使我哋嗌咗四個餸加杯嘢飲都係$400有找，係香港算係唔錯㗎啦🙈🙈😂😂
交通：🌕🌕🌕🌕🌕🌕🌕🌑🌑🌑
位於侯王道最篤篤嘅位置，夜晚嚟講呢條街都算靜，唯一係依間餐廳前邊企咗條長長嘅人龍，我哋當日都好好彩喺附近拍到咪錶，行到去餐廳前面發現原來餐廳門口都好多咪錶，係睇吓你會唔會有耐性等一等🤪🤪🤪
環境：🌕🌕🌕🌕🌕🌕🌕🌑🌑🌑
日日都去個餐廳就覺得餐廳非常之光猛，而且都非常之整潔冷氣亦都夠涼不過枱同枱之間係相對比較近嘅所以如果兩個人去食嘅話有機會會坐得冇咁舒服，但係就適合一大班人去叫多啲菜去試多少少唔同既菜式🤪🤪
性價比：🌕🌕🌕🌕🌕🌕🌗🌑🌑🌑
如果同啱啱喺尖沙咀食完嗰間嘅泰國菜大排檔比較，我會揀返上次食嗰間，因為味道會啱口味啲唔會太油，但依間就好多菜式都好油搞到食唔晒🥲🥲🥲最初都係因為見OpenRice啲人話呢間係九龍城最熱門嘅泰國菜，所以嚟食咗最後就有少少失望嘅🙈🙈
張貼
