堅石燒 (已結業)

前排同舊同事去左堅石燒食dinner, 餐廳環境幾大，仲有大型自助區比客人取食。日本a4和牛肉眼蓋：見到和牛紋理好靚，牛脂分佈平均，燒起黎滲出吾少牛脂既油份，食落幾滑口，帶有牛香味。韓式厚切鰻魚飯：鰻魚大大舊放系石鍋中，厚度非常足夠！鰻魚上既燒汁甜甜地，仲有吾少木魚絲添。除左鰻魚之外，石鍋中更有泡菜、蘿蔔絲、白菜仔、粟米等等，感覺好足料，整體也不錯。韓式煎餅：煎餅即叫即煎，口感脆口，味道吾辣，價錢抵食。韓式炸雞：炸雞口感幾滑，入面完全吾乾，仲滲出雞既汁，外面幾脆，但有啲油。餐廳設有自助區，包括飲品、雪糕、甜品、主食、沙律、麵豉湯。個人幾中意食意粉，再自行加入中意既醬汁食，味道就吾會太乾。沙律可以中和食完牛既油膩感呢！另外，特別一提的系甜品更有啫喱、爆谷，岩晒大人同小朋友食啊。