原燒道場 (已結業)

今日選擇黎左原燒道場食野，一向鍾意食串燒，咁岩又去開銅鑼灣拎野所以就一於上去拜會下，見到個門面好有格調，入到去就好有日本感覺，佢仲有個盔甲擺設但唔記得影 XD (好有氣勢!)食物選擇都好多，有菜，有丸，有肉，樣樣都有d，好難簡，樣樣都想食下，估唔到飲品 menu 都款式都唔少明太子沙律冷烏冬：凍冰冰食落透心涼，係呢種咁熱既天氣食就岩哂，個明太子汁好開胃仲咬到一粒粒明太子，好過癮！！燒鯖魚：見佢上到黎燒得好靚仔，個皮脆卜卜，但唯一美中不足係鹽味不夠，所以靠哂個汁吊味，唔係就會好寡。燒墨魚咀同牛舌：墨魚咀細細粒，但如果可以大粒返少少相信更好咬口，但個味就非常唔錯；牛舌係我全晚既最愛，燒得岩岩好，牛味濃郁個汁仲好配，值得一食，推介！炸軟殻蟹：做得唔錯，炸得乾身之餘入邊仲係水嫩，最值得一讚係有少少沙律菜伴碟，食到太飽食下菜即刻清新哂，好心思！吉列芝士豬排：呢個同軟殻蟹比就有少少遜色啦，本身期望好重芝士味，但食落都可以保留到入邊既肉汁，不過不失。全晚食物既合照，總括燒物係無得彈，鍾意食串燒朋友唔好錯過