LAB10 (裝修中)

如果揀燒肉同打邊爐，我一定係揀燒肉，仲要係放題嗰隻。呢間位於朗豪坊嘅Lab 10好多時都排長龍，我今日特登一早嚟開餐，所以好快就有位。店員首先會安排一份食物俾食客率先品嚐，之後自己可根據餐牌隨意再落單。梨汁牛五花淨係賣相都覺得高檔次，牛五花切薄得呈半透明狀態，而且用梨汁醃製過之後，肉質就更加嫩滑可口。牛肉都有好多選擇，安格斯牛板腱、牛肩肉、牛脊肉、一口牛味道都唔錯。豬肉和雞肉都各有唔同款式，而我就特別推介秘製豬肋骨，醃得特別好味。呢度仲有泡菜同新鮮沙律菜，可以夾住燒肉一齊食，減去油膩感。炸物都相當豐富，我就特別推介蝦多士， encore咗幾次。海鮮類既新鮮又豐富，分別有魷魚鬚、海蝦同大蜆。燒魷魚特別正！最後仲食埋燒蔬菜，掃上少許汁就更加惹味。呢度除咗燒肉，仲竟然有肉醬意粉，包你夠飽。我哋仲分別點咗菠蘿梳打同青檸梳打，少甜又清新。