燒魂

營業中

休息中

依家香港嘅餐廳好早就收舖，夜晚行街行耐咗想再搵啲嘢食吓都好難。今日發現尖沙咀有一間日式放題燒肉店做到凌晨一點！喺呢個市度係超級難得 🤩 仲要有好多款食物選擇 🥰🥩 燒肉今日想食雞同豬，豬都有唔少款式部位可以揀，最鍾意鹽燒豚肉同埋血池赤豚小排！肉偏大塊又夠入味，厚道適中唔係超薄嘅肉。而雞肉就係單骨雞翼同雞髀肉，如果覺得唔夠味嘅話，枱上面仲有三款醬汁提供，實有一款啱你口味！🍣 刺身叫咗三文魚同埋馬刀貝，諗住咁夜先過嚟食可能啲刺身都會有小小唔新鮮，點知係完全唔會！勁新鮮！馬刀貝好爽口，而三文魚比一般日式放題店更好食！🍤 炸物全部都好好食炸得好酥脆，唔會好油。特別係北海道牛乳松葉蟹薯餅，入面超 creamy 好正！🥗 涼食試咗涼拌豬耳同埋涼拌雞腳，孜然味有小小辣，都唔錯！飲品都係任飲，仲要超級貼心有常溫嘅飲品 😍 除此之外仲有好多款料理，例如藥膳雞腳、蠔仔粥、韓式石鍋飯等等，款式多到真係叫唔哂！📍燒魂 尖沙咀漆咸道南57-59號金馬倫中心2樓