影片
更多
2023-09-19
34 瀏覽
前排上網見到有人介紹和牛燒肉一郎，已經bookmark 定呢間燒肉餐廳一定要嚟食。呢度啲和牛全部都有出世紙，客人只需要掃下和牛識別碼就可以搜尋到牛隻詳細資料，例如：產地、年份，保證客人食得安心。 餐廳啲座位好寬闊，抽風系統都唔錯，無咩油煙。 外面有自助沙律吧，有鮮甜粟米🌽、車厘茄🍅、溫室清瓜🥒、甘筍🥕，全部都用透明蓋遮住，確保乾淨衞生。 雖然飲品唔算話好多款式，不過基本罐裝汽水果汁都有。 今次我哋揀咗個中價D款，有日本黑毛和牛6款，選擇嘅食物多達132款。 職員先送上原塊日本A4和牛扒🐮，呢塊扒真係無得頂，油花極度充足，食落入口即溶，肉質嫩滑細膩。職員仲會幫手燒埋，教我地點樣燒為之ok，服務一流。 除此之外，和牛方面仲有和牛里脊肉、和牛肉眼、和牛牛肋肉、和牛牛肉角切一口牛，油花同樣分佈均勻，而且可以無限encore，淨係食和牛已經翻本。 除咗和牛可以揀，亦都可以透過QR Code落單，點選其他牛壽司、牛刺身、名物、特選牛、豚肉、野菜、雞肉、一郎料理、涼拌小食、海鮮、飯湯麵，款式多到食唔晒。不過有幾款個人認為必點，有牛刺身炙燒拌生牛肉（有隻雞蛋黃撈埋一齊嚟食，極推！）、兩色葱花牛舌。 甜
前排上網見到有人介紹和牛燒肉一郎，已經bookmark 定呢間燒肉餐廳一定要嚟食。呢度啲和牛全部都有出世紙，客人只需要掃下和牛識別碼就可以搜尋到牛隻詳細資料，例如：產地、年份，保證客人食得安心。
餐廳啲座位好寬闊，抽風系統都唔錯，無咩油煙。
外面有自助沙律吧，有鮮甜粟米🌽、車厘茄🍅、溫室清瓜🥒、甘筍🥕，全部都用透明蓋遮住，確保乾淨衞生。
雖然飲品唔算話好多款式，不過基本罐裝汽水果汁都有。
今次我哋揀咗個中價D款，有日本黑毛和牛6款，選擇嘅食物多達132款。
職員先送上原塊日本A4和牛扒🐮，呢塊扒真係無得頂，油花極度充足，食落入口即溶，肉質嫩滑細膩。職員仲會幫手燒埋，教我地點樣燒為之ok，服務一流。
除此之外，和牛方面仲有和牛里脊肉、和牛肉眼、和牛牛肋肉、和牛牛肉角切一口牛，油花同樣分佈均勻，而且可以無限encore，淨係食和牛已經翻本。
除咗和牛可以揀，亦都可以透過QR Code落單，點選其他牛壽司、牛刺身、名物、特選牛、豚肉、野菜、雞肉、一郎料理、涼拌小食、海鮮、飯湯麵，款式多到食唔晒。不過有幾款個人認為必點，有牛刺身炙燒拌生牛肉（有隻雞蛋黃撈埋一齊嚟食，極推！）、兩色葱花牛舌。
甜品方面有軟雪糕🍦，可以自己加toppings，仲有各種日本牌子嘅雪糕、雪條，同埋有啲木糠布甸小杯、棉花糖、爆谷🍿。
最後食到飽飽滯滯可以飲番杯茶🍵，有玫瑰花茶、玄米綠茶、普洱茶、桂花烏龍茶。
張貼
