文興酒家 (大明里)

營業中

休息中

早前已經聽聞大埔有間好味燒鴨店，可惜港島人好少入新界，始終都未能品嘗，今日假期去沙田文化博物館作最後朝聖前，尊誠先去大埔墟文興酒家一嘗傳說中最好味嘅燒鴨👍🏻雖然說是假日，中午食晏時間但都沒想像中多人，不用等位可直接入坐。我比較貪心，唔止想試燒鴨咁簡單，就叫了燒肉燒鴨雙拼麵。上菜後份量都不少，燒肉皮脆肉嫩，調味適中，十分好味。燒鴨竟然給了鴨肶，十分喜出望外，試一口，皮很脆，肉亦嫩，皮下帶少少脂肪剛剛好，有口感之餘又不會太肥膩，的確是比其他的燒臘店出色，唯獨那碗麵就真的很遜色。咁好食的燒肉燒鴨，連埋茶錢都唔洗八十蚊，十分抵食，下次有機會再嚟新界會再嚟幫襯。