英都燒味廚房

營業中

休息中

黃大仙都有好幾間燒味店，今日中午路過雙鳳街，見到門口掛起d燒味，望落去個樣都唔錯，所以走入去試一試。老闆推介食叉燒、乳豬、燒鵝、燒肉、薰蹄。一嚟就推介咁多嘢咁我應該食咩好呢？佢話燒味係自己工場燒，唔係交貨。諗咗一諗，今次先試燒肉燒鵝飯，可以啖啖肉。雙拼飯一嚟到，首先成碟飯熱辣辣，先試一啖燒肉，燒肉好林、燒肉皮好脆，食得出舊燒肉係新鮮豬肉；再食一嚿燒鵝，燒鵝味醬汁濃、燒鵝肉都滑，唔會黐牙，燒鵝皮都係脆。一邊食飯，一邊再加啲薑蓉，成碟飯食曬。整體嚟講，燒味應該係新鮮，估唔到燒肉燒鵝飯肉連皮都食得曬。下次可以再試吓其他燒味。