影片
更多
2017-09-15
126 瀏覽
好耐冇食過咁好味嘅燒肉啦！有我最愛嘅日本和牛啦，仲有龍蝦，美國牛，同羊架，作為一隻食肉獸，真係好滿足！首先，成晚嘅highlight，我不得不提嘅係隻龍蝦！上嚟果陣條鬚仲係度郁緊，證明真係好新鮮！隻龍蝦湯開左兩半，一定要殼向下咁擺係個爐上面，唔係嘅話d膏就跌曬㗎啦！燒左大概10分鐘，店員就話俾我地知差唔多食得㗎啦～ 依個時候就要將尾同頭分開，再倒d牛油蒜蓉汁上去，食住條尾先！個牛油蒜蓉汁同隻龍蝦簡直就係絕配！龍蝦嘅鮮味再搭配牛油蒜蓉嘅香味，只能夠用人間天堂四個字嚟形容！真係好有衝動再嗌多隻㗎！！日本和牛哩，我地就點左個拼盤，一共有三種 -- 柚子和牛他他，黑松露和牛柳串，同埋鹽燒和牛柳。柚子和牛他他係要生食嘅，其實係我第一次食生牛肉，都係一個不錯嘅嘗試！柚子加和牛嘅搭配好特別，俾人開胃消滯嘅感覺，絕對值得嘗試！黑松露和牛柳串嘅黑松露味都好香，同和牛味係絕佳嘅搭配，擺落嘴果下，真係會完全陶醉於依種香味～鹽燒和牛柳都好香，d鹽帶曬和牛嘅香味出嚟，好味道！除左日本牛，我地亦都點左美國牛，下面依幅圖就係美國黑毛牛巨龍肉腹肉，聽個名都知勁lol 相對於和牛，美國牛嘅特性就係牛肉味會再重d，口感亦
首先，成晚嘅highlight，我不得不提嘅係隻龍蝦！上嚟果陣條鬚仲係度郁緊，證明真係好新鮮！隻龍蝦湯開左兩半，一定要殼向下咁擺係個爐上面，唔係嘅話d膏就跌曬㗎啦！燒左大概10分鐘，店員就話俾我地知差唔多食得㗎啦～ 依個時候就要將尾同頭分開，再倒d牛油蒜蓉汁上去，食住條尾先！個牛油蒜蓉汁同隻龍蝦簡直就係絕配！龍蝦嘅鮮味再搭配牛油蒜蓉嘅香味，只能夠用人間天堂四個字嚟形容！真係好有衝動再嗌多隻㗎！！
日本和牛哩，我地就點左個拼盤，一共有三種 -- 柚子和牛他他，黑松露和牛柳串，同埋鹽燒和牛柳。
柚子和牛他他係要生食嘅，其實係我第一次食生牛肉，都係一個不錯嘅嘗試！柚子加和牛嘅搭配好特別，俾人開胃消滯嘅感覺，絕對值得嘗試！
黑松露和牛柳串嘅黑松露味都好香，同和牛味係絕佳嘅搭配，擺落嘴果下，真係會完全陶醉於依種香味～
鹽燒和牛柳都好香，d鹽帶曬和牛嘅香味出嚟，好味道！
除左日本牛，我地亦都點左美國牛，下面依幅圖就係美國黑毛牛巨龍肉腹肉，聽個名都知勁lol 相對於和牛，美國牛嘅特性就係牛肉味會再重d，口感亦都會實d，鍾意邊種完全係取決於個人口味。依份美國牛嘅牛香都真係好濃郁，完全滿足到我對牛嘅慾望哈哈！
依個紐西蘭羊架絕對係物超所值，兩隻都係68蚊咋！比起牛，羊真係要燒耐好多，睇住佢係個架到，真係流曬口水！好滿意佢地恰到好處嘅羊騷味！
除左上面嘅嘢，我地仲嗌左雞腎同雜菇。個雜菇有好多種唔同嘅菇俾你慢慢燒，鍾意食菇嘅你一定唔可以錯過啦！我自己嘅話，始終最鍾意嘅都係金菇哈哈～
張貼
