容記小菜王 (已易手)

星期日睇完奧運跳水，我地又出發去行街喇！街到攰攰地就諗去邊度食飯好！阿妹提議去深水埗食！佢話有間野叫「容記小菜王」好出名！佢食過都讚既！咁我地又去試下啦！結果一去到門口，我已經見到個老細同非常多名星影既合照！原來真係好多名星幫襯過！連阿蔡瀾都有先呀！喺問口等咗一陣，終於可以入去坐低坐野！ 我阿妹話燒肉係招牌菜，佢食過話非常好食！我發現每枱都一定會叫一蝶，咁我梗係唔執輸啦！果然皮脆都不特止，d肉仲係非常鬆化，味道唔會太咸，完全係水準之作！ 「容記小抄王」用既係九菜花，清甜又冇渣，配上炸香既蝦乾同魷魚絲，認真冇得彈 「XO醬抄螺片」係失敗之作！唔夠XO醬，螺片冇味！唯一好食既係附上既一蝶蝦醬！ 「粟米班塊」魚柳炸得好鬆脆，配埋粟米汁既味道係天衣無逢！呢個應該算係我食過最好味既粟米班塊！四個餸，埋單三百蚊有找！呢種質數，確係抵食！好似九點半後仲有折先！大家不防去試一下啦！