炑八韓烤 (歐亞銀行大廈) (已結業)

炑八韓烤嚟呢度食韓燒最開心就係可以免費任食爐邊芝士粟米同埋泡菜爐邊蛋，而且多款前菜都係可以refill 架，勁正醬油豬大王套餐包括有名品大王豬扒、醬油豬五花、蔥蒜牛五花、和牛肩肉、蝦等等名品大王豬扒份量十足勁大塊，而且醃得入味，肉質柔軟！蔥蒜牛五花雖然套餐主打豬肉，但係食韓燒又點少得食牛肉呢！蔥蒜牛五花十分惹味，牛五花油脂分布均勻，肉質細嫩。蝦除咗有肉之外，套餐仲有海鮮，而且質素唔馬虎，爽口彈牙。韓式豬手豬手已經用醬汁調好味道，滷好放涼再切片，豬手有豐富骨膠原，有咬口。臨近聖誕，餐廳都特意加推聖誕老人特飲，原來就係紅豆沙冰，真材實料有粒粒嘅紅豆，非常滿足。