燒肉酒場 (已結業)

今晚收工同同事慶功，出返去銅鑼灣搵食，大家都決定要瘋狂食肉，就選擇咗食燒肉酒場椰菜絲沙律🥗前菜食啲沙津，等陣瘋狂食肉都無咁膩牛肉大盛🐂拼盤有6款唔同嘅牛，分別係牛舌、牛板腱、牛小排、牛肋條、横隔膜、牛肉片。牛舌係厚切，食落好有質感同好好咬口，牛小排肉質最香，我最鍾意份薄切牛肉片，油花香味加埋薄燒有種入口即溶嘅感覺羊肉大盛🐐平時喺香港食羊肉選擇真係好有限，但呢個羊肉大盛有羊柳，羊西冷，羊腿，羊卷肉，羊脂，羊後膝等等，滿足曬鍾意食羊嘅我哋。燒肉酒場最特別係成吉思汗烤肉，聽講係🎌北海道嗰邊嘅特式傳統燒肉方式，燒完啲羊肉都無咩羊羶味，好香口燒肉拍檔其實都係啲配料，但食燒肉呢啲配料就好緊要，生菜🥬同薄餅包住啲肉食非常夾，亦都唔會太油，可以中和返啲油膩感蟶子呢隻蟶子皇好肥美同鮮甜，睇見都流曬口水，燒過嘅海鮮真係香氣十足羊湯烏冬平時牛肉湯食得多，估唔到羊湯都咁正，少少羊羶味都無，烏冬食落似稻庭烏冬嘅質感，原來同羊湯都咁夾