石一燒 (富多來新邨一期) (已結業)

今日去左係大角咀既石一燒，點左尊上の2人前。依個餐非常豐富啊，有日本佐賀縣名水豚肉梅肉、美國頂級牛小排、英國羊西冷、前菜（三品）、好大份既沙律、櫻花蝦味噌湯、菇盛會、飲品（我地揀左烏龍茶同埋綠茶）、飯素，最後仲有日式甜品！前菜我特別鍾意食炸甜蕃薯，另外個兩個係加麻油同醋既菇，同埋辣海蜇。燒肉方面除左牛小排外，我覺得豚肉都好好食，食個陣記得配合埋個燒肉汁/自家鹽！最後甜品方面點左抹茶雪糕，個抹茶可以自己調製！