鼎天茶室 (已易手) 新餐廳

難得入到大埔，當然要掃黃；要掃黃，就當然要幫襯間金黃嘅，毫無懸念，我揀咗鼎天茶室。坐低之後，望住本厚厚嘅 menu，選擇困難症又發作，落單阿妹見狀，就拋低一句：「我哋啲燒味自己燒㗎......」收到，就叫個我最鍾意食嘅燒腩仔飯。自從食過友利坊之後，食親其他燒味就自自然然會比較，最後總係有種「除卻巫山不是雲」嘅感覺。呢餐都唔例外，燒腩仔雖然味道同肉質都唔錯，但感覺總係差少少，塊皮脆得嚟硬咗少少，肉質肥瘦均勻得嚟肥膏多咗少少，冇我最鍾意嘅啖啖肉😂。咁到底質素算唔算好？其實我真心覺得唔錯，如果唔作出比較嘅話，所以總括而言，都係值得幫襯嘅。