影片
更多
2024-02-10
58 瀏覽
襯天氣好入咗濕地公園，又唔想食公園入面的飯堂，就行咗去Wetland個面搵好嘢食，咁就搵咗個超好食的法包。爆脆燒腩肉法包餐 $52以我食過的法包嚟講，呢個一定入硬頭三甲，真係好開心食咗個咁正的法包。法包烘得外脆內軟係基本，佢的脆係一咬落去，啡色的麵包皮就會直接變成一塊塊酥脆的薄片，口感一流，而法包亦有好香的牛油味，單係個包都已經好正。法包餡的燒腩仔更好食，老實講我甚至覺得佢比中式燒味舖做得更好食。燒腩肉的皮好香脆，同法包有得揮，腩肉鬆軟，豬肉味濃郁，油脂位好香，但又唔會好鹹，配埋是拉差醬，成個法包的味道昇華哂🥰薯條熱辣辣，有燙口的感覺，唔通即叫即炸即上碟？🤣呢個餐以$52嚟講真係好優質，我覺得我下次可以自己隊一整個包😆越式三寶撈檬 $62（扎肉三片、雞翼二隻、春卷二件）雞翼好有牛油的香味，亦炸得好香脆；春卷外皮酥脆，但內餡有少少鹹；扎肉都唔錯；生菜絲同紅蘿蔔絲都好爽口；檬粉有少少位黏埋一舊，但so far都ok，加咗花生都幾香口。其實成碗撈檬都唔係話差，但有法包珠玉在前，我下次都係叫多個法包😆柚子大蝦沙律 +$18大蝦非常爽口彈牙，又夠大件，柚子肉大大粒，而且好甜，底下的椰菜好清爽，配
襯天氣好入咗濕地公園，又唔想食公園入面的飯堂，就行咗去Wetland個面搵好嘢食，咁就搵咗個超好食的法包。
爆脆燒腩肉法包餐 $52
以我食過的法包嚟講，呢個一定入硬頭三甲，真係好開心食咗個咁正的法包。
法包烘得外脆內軟係基本，佢的脆係一咬落去，啡色的麵包皮就會直接變成一塊塊酥脆的薄片，口感一流，而法包亦有好香的牛油味，單係個包都已經好正。
法包餡的燒腩仔更好食，老實講我甚至覺得佢比中式燒味舖做得更好食。燒腩肉的皮好香脆，同法包有得揮，腩肉鬆軟，豬肉味濃郁，油脂位好香，但又唔會好鹹，配埋是拉差醬，成個法包的味道昇華哂🥰
薯條熱辣辣，有燙口的感覺，唔通即叫即炸即上碟？🤣
呢個餐以$52嚟講真係好優質，我覺得我下次可以自己隊一整個包😆
越式三寶撈檬 $62
（扎肉三片、雞翼二隻、春卷二件）
雞翼好有牛油的香味，亦炸得好香脆；春卷外皮酥脆，但內餡有少少鹹；扎肉都唔錯；生菜絲同紅蘿蔔絲都好爽口；檬粉有少少位黏埋一舊，但so far都ok，加咗花生都幾香口。
其實成碗撈檬都唔係話差，但有法包珠玉在前，我下次都係叫多個法包😆
柚子大蝦沙律 +$18
大蝦非常爽口彈牙，又夠大件，柚子肉大大粒，而且好甜，底下的椰菜好清爽，配埋個辣辣哋的sauce，真係好惹味😄
跟餐餐飲有茉香綠茶&越南椰香咖啡 (+$13)
茉香綠茶茉莉味好濃，飲落唔澀，唔錯👍🏻咖啡同椰子味都好夾，香濃得嚟有椰香的甜味，呢杯咖啡都好好飲。
香芒雪露 $38
芒果肉夠哂大舊，而且好甜，數到起碼有十塊；西米粒粒分明，口感軟糯，份量都好多；芒果糖水底好香甜，無藥水味，唔錯👍🏻雪糕口味三揀一，揀咗椰子味，椰子雪糕食落好香，質地都好creamy，正呀😍
Viesta Express (天水圍)
天水圍濕地公園路1號Wetland Seasons Bay地下19號舖
*上述文章只供參考及以當時價格為準
張貼
