東京チカラめし (已結業)

好耐冇嚟過Mikiki，發現多咗好多餐廳，夜晚大概7:15左右，見到依間燒牛肉丼唔算好多人排隊，等咗大概5分鐘左右就可以入得好方便，一入去可以用QR code落單我叫咗大既鹽燒牛肉飯(有分大定細)朋友叫做咖喱燒牛肉飯(均一size)額外追加左一份燒豚肉($45)枱面有唔同嘅調味料，如果覺得唔夠味嘅話可以自己加，我覺得咖喱燒牛肉好食，咖喱汁好入味，另外追加嗰個燒豚肉都好入味，好濃味👍🏻掛住傾計，走既時候竟然唔記得咗拎走電話，仲要走咗兩個鐘先發現..好彩我打返電話返去，啲員工好好幫我收起左喺收銀，我先拎得返，失而復得既感覺真好！多謝你地！