凱日精品粤菜館

營業中

休息中

家人想飲茶，諗住去莊士倫敦廣場搵間茶樓飲茶，經過呢間酒樓見佢好似新裝修，應該新開無耐，所以就決定試下佢。入到去坐左一個近窗邊嘅位，枱與枱之間非常闊落，坐得十分舒適。侍應同傳菜服務都好好，有禮貌同埋手腳快。叫左家人必叫嘅燒賣，黎到好有驚喜，非常大粒足料，而且仲有成隻蝦係粒燒賣上面。另外仲見到佢有好多酒樓都無賣嘅芝麻卷。順帶一提，酒樓茶具精美，有精美圖案係碗碟上，亦提供蠟燭座熱住個茶壺，非常貼心。會同親友再去。