彩晶軒

營業中

休息中

今日放假同屋企人飲茶，因為係星期一，所以唔使點等位，啲嘢食都上得好快。個人最鍾意就係佢嘅蝦餃同燒賣。蝦餃隻隻都好大粒，入邊嘅蝦好大隻又爽口。燒賣都唔係淨係啖啖肉，入邊都有好大隻蝦，一樣係咁爽口彈牙。另外佢嘅鮮蝦腸都好大份，上菜嘅時候已經切好一份份，每一份入邊都有一隻蝦，真係好好味。仲有佢嘅叉燒酥，一碟有四粒。雖然細細粒，但係真係好好食，啲酥皮夠晒鬆軟，入邊嘅叉燒又唔會太鹹。不過佢嘅蘿蔔糕就麻麻哋，唔知係咪我地唔好彩，一啲蘿蔔都食唔到，三件蘿蔔糕都淨係得粉。希望下次多啲人去食可以試到多啲菜式啦。