Hidden Table (已結業)

紅磡有一間好搶眼嘅小食店，外牆都係全橙，原來係賣燒賣嘅！呢到店面細細地，但係其實都有個小bar枱，客人都可以選擇堂食嘅～堂食可以配料任加，有䓤、芫荽同自家製辣椒油。然後呢到有個揮春，我當初以為係招財進寶，但後尾睇真啲原來寫住招燒賣haha好得意！我再睇下menu，發現款色都好多，絕對唔好睇少呢間紅磡區嘅小店，好多味道都好特別，除左蒸燒賣更加有炸燒賣，當然唔少得d小食啦！我最後要咗幾樣野都好好食。cajun巨型蟹柳個調味好正，微微辣味，蟹柳好大條，勁juicy。經典炸饅頭有四隻，配埋煉奶食真係好好味，細個嘅時候嘅回憶返晒嚟。日式大阪魚肉炸燒賣係一個好創新嘅味道，本身好鍾意大阪燒個醬汁嘅我真係好難抗拒，仲要加埋係魚肉燒賣，真係冇得頂！最後就要埋個店員推介嘅奶油麻辣魚肉蒸燒賣，麻辣嘅口感唔算好勁，但係剛剛足夠，覺得好適合配啤酒一齊食！