California Pizza Kitchen (已結業)

事實上，我覺得Ｄ食物同價錢都ＯＫ。星期日，兩個人去食午餐。叫左半份燒雞凱撒沙律，一客蒜香白汁蝦闊面，同一份有幾大片牛油果既California Club Pizza（Ｄ人話好食）。可惜兩個人叫唔到咁多，所以冇叫人人都讚既甜品。先黎個燒雞凱撒法律，Ｄ菜幾新鮮，加埋Ｄ脆麵包粒，食落覺得幾清爽。但係，Ｄ雞就差囉‥‥‥，勁「鞋」，又乾又「鞋」，好似用黎煲左十個鐘頭湯咁。所以，我建議大家叫番經典凱撒法律，冇雞，應該會好食。之後，客蒜香白汁蝦闊面，同Pizza一齊上，個麵我地覺得太貴（HKD98），唔係好抵，不過幾香，可惜Ｄ蝦煮得唔算好食，個麵就好食，整體來說好似蝦還蝦，麵還麵咁。但係太「漏」、太「濟」啦！雖然份量好少，食多兩啖就會好飽。到Pizza啦。我反而覺得個Pizza最好食（人人都話Pizza最普通）。菜好多，沙律醬唔算濃味，加堆每片Pizza上既牛油果＋煙肉，Ｄ煙肉硬，Ｄ牛油果軟，味道夾得幾好，我幾喜歡。我本人就幾想下次去試埋Ｄ甜品，但女朋友話以後都唔會再黎，因為冇乜特別，又唔平。可能我下次會同朋友再去。