稻庭烏冬·鍋物日本餐廳 (已結業)

帶三隻馬騮去蹓冰前，先醫肚先！雖然係閒日，但撞正食午餐時候！食店都好多人排隊！呢間食評唔錯！重要無人排（因為價錢屬中價）！即刻入坐！坐6人大卡位！裝修以和式竹子為主題，唔知點解坐滿人都好靜！三小兩大！叫三個定食最穩陣！叫咗：醬燒日本知床地雞御膳--一盤上枱！燒雞個樣好靚！皮脆肉嫩！仲好重雞味！配珍珠米飯絕配！成碟掃晒！仲有一碗冷烏冬！好滑！唯一唔好係上枱已經放在冷汁裡，所以已經浸淋了！無咁彈牙！！！炸豆腐麵豉湯好味！配料好簡單只有海帶同炸豆腐！唔會好咸！好味！沙律菜以火箭菜同紅椰菜為主！比較苦！大人口味！新鮮爽脆，配酸汁好味！天婦羅盛合稻庭御膳--天婦羅有炸蝦、茄子，炸漿唔厚！外脆內軟！上枱仲熱辣辣，個飯糰咸香鬆軟，雖然無乜餡料，但都好味道！冷烏冬未食已經比個容器吸引住，成個青竹造型！打開一束烏冬繞成8字，沾醬可以自己選擇落唔落蔥同芝麻！細心！！沾醬都夠凍！烏冬比平時見嘅幼細，所以沾滿汁時感覺豐富，而且即沾即食，唔會浸淋！三隻馬騮個個都要添食！吉列海鮮咖哩御膳--個咖哩汁好濃，難得係日式咖哩做到辣口，三隻馬騮全部食唔到，我同家姐分享！咖哩汁無乜配料！只有一塊薯仔，紅蘿蔔都無，薯仔炆得入