天天海南雞飯 (Fashion Walk)

營業中

休息中

天天海南雞飯⭐️天天燒雞⭐️黑松露醬酥炸大生蠔⭐️砂鍋新加坡黑胡椒羅氏蝦粉絲煲⭐️雞油飯想食新加坡嘢嘅時候通常都會去天天海南雞飯，鍾意佢環境舒服，食物水平又穩定。今次試咗佢嘅黑松露醬炸生蠔，兩隻生蠔都大大隻丶好厚肉，炸衣係偏厚少少嘅，感覺有啲似食緊蚵仔煎嘅炸面衣，配上黑松露醬香脆又美味。天天燒雞就一如既往咁好食，燒雞外皮微脆，雞肉好嫩滑，就算係雞胸嘅部份都唔會覺得鞋，配上三款醬汁轉換下口味，每次嚟都會叫。最後嘅羅氏蝦粉絲煲食落去好似去左新加坡咁，每一隻羅氏蝦都充滿着滿滿嘅蝦膏，配上黑胡椒粉絲就係夠晒惹味，送飯一流。