萬發海鮮火鍋菜館

營業中

休息中

一向都鐘情食中菜小炒，鐘意佢可以大家一齊開心share, 今日去到大角咀試呢間深水埗都有分店既萬發，我地係深水埗行過去都係10分鐘左右，勁近。7點鐘去到都差不多爆場，果然厲害，好彩有一早book位。入到去就點野食，佢地有火鍋，小菜，海鮮，好多選擇，我地兩個人都唔打邊爐，叫小菜就算，前後點左3個菜再叫多個汽水，理單都係$340,大家都食到勁飽。上網見大家都會點燒雞，我地都點左半隻$98,半隻都好大碟，啖啖肉，外皮走過油，食起來脆脆地，有少少雞油係旁邊，好好食，肉質不錯夠滑口。XO醬爆雙蚌$138，用西芹作配菜，西芹炒得剛好，唔會太硬身，雙蚌好爽口彈牙，食得出有XO醬爆得香口。瑤柱琵琶豆腐$68，分量好多，夾理成十幾舊豆腐，外皮炸過，非常香口，內裏係豆腐蓉，如果再加多少少料入面，口感會再豐富。