串 (已結業)

呢間鋪頭位置 ：九龍尖沙咀漆咸圍2-4號 金時商業，即韓國街嗰邊呀！今日我同朋友兩個人黎左尖沙咀{串}食串燒，朋友話新開但已經食過，今次短期入再食～～佢地細細間店（始於在尖沙嘴～貴租？！）但係食物種類好多 😍仲有手寫推介D字勁得意～而且價錢又唔算貴！仲要即叫即刻燒🤤一黎我地就叫左燒雞中翼😍係由生燒到熟架！所以要等一陣，一坐得就叫就啱啦！之前食過出邊好多都係一早燒熟左...之後再燒番熱俾客人..但係呢間係由生燒到熟！真係值得一讚🤤🤤甘就可以皮脆肉又保持到肉汁！真心好正！自己成日覺得，串燒店，睇燒雞翼就睇到功架～！我地2 個女仔都算叫好多野食！我地仲叫左燒雞肉，燒牛，燒台灣腸，燒雞皮，燒蠔，燒瓜，燒芝士腸等等，過左一個無肉不歡既串燒😆😆😆全部都好好食！仲有特別一提佢地既自製汁🤤不得了～辣辣地好頂癮～蒜蓉雜菇叫做平衡下我地咁多肉！但有落牛油同埋蒜蓉，大大兜，都係邪惡😂🤣