雞翼山 (謝斐道) (已結業)

經過呢間鋪，見到個名叫雞翼山，心諗，唔會全部食雞翼呀，點知入到去睇，真係淨係食雞翼，仲要有甜有鹹。鍾意食雞翼的我一定要試一試。我地叫左三款味道雞翼，有文青風玫瑰，我係鹹檸七同熱情果紅棗寶寶。佢唔係即刻比我地，佢係即叫即做。所以都要等一等。佢拎出黎的時候，我太為食，拎黎食，熱到，証明佢真係即做。文青風玫瑰，係用蜜糖再加玫瑰花瓣係隻雞翼度，蜜糖味相對濃少少，都食到玫瑰花香味，好食鹹檸七味，佢有埋鹹檸檬襯托，同我平時飲的鹹檸七味係一樣，唔錯。熱情果味，有少少果酸味，因為有埋蜜糖，令成個味道配搭係絕配，味道剛好，正。