桃園眷村 (已結業)

今日系朗豪坊行街，記得之前開左間幾特別的餐廳叫桃園眷村主要吃粢飯，豆漿，豆花和燒餅。自己去排隊買野食買完收銀員會俾呢個牌俾我，等到個牌嚮就可以自己出去拎食物。咸豆花有紫菜，炸菜，油條脆，蝦米，蔥配上嫩滑的豆腐花咸味適中，又幾香口幾過癮。功夫辣雞腿燒餅麵包外層好鬆脆，內里軟熟，配上爽脆生菜，清甜蕃茄片和肉質嫩滑的微辣雞腿肉包埋全部一起食非常fresh 。台式香腸蔥蛋飯團，粢飯包住香腸咬落口好彈牙又有少少汁，又有蛋，油條和炸菜粒一起食幾香口，粢飯又夠煙韌。紅棗豆漿豆漿味濃，淡淡的紅棗味，又不會太甜。