奇趣餅家

營業中

休息中

最鍾意食佢哋嘅燒餅。煙靭軟熟。唔會太甜。如果啱啱新鮮做起最好食。去過其他舖頭買燒餅，都冇佢哋咁好食。雖然好多人話佢哋冇以前做得咁好，但我覺得都係比其他人做得好。不過去親都好多人，啲人都基本上唔會排隊。所以會有啲混亂。一定要大嗌講自己要啲乜嘢，先至可以買到。如果太守規矩，慢慢等嘅話，基本上會比好多人插隊，買唔到。燒餅$5 /1個， $20/5個。所以基本上每次都買五個。想冇咁肥都唔得。但又真係幾好食。次次都食得晒。不過要分開兩次食。每次最多食到三個已經好飽好飽。燒餅個皮好薄，好煙韌，唔會好油。軟林林。豆沙餡唔會好甜。啱啱好。