明華餅家

營業中

休息中

都仲係掃街日。見人多，圍埋去八下，原來係有麵包新鮮出爐。望下望下見到有燒餅幾吸引，其實每次黎都係買香蕉糕，未食個燒餅，就要個試下，同埋都寫埋之前食過既香蕉糕。燒餅，有幾款餡，我要既係豆沙餡。真好彩，剛出爐，熱辣辣，燒餅薄身，食落夠煙韌夠軟，好食，豆沙餡有一半，豆沙都幾溶，唔太甜，很不錯。五蚊有二件，夠哂經濟。香蕉糕，聞落香蕉味未算強勁，不過食落d香蕉味就走哂出黎，粉粉的，夠軟腍夠哂好咬口，好食，五蚊有三條，唔貴。One Man Band 係鋪面打哂骰，厲害。老餅鋪有好野食，行過，要支持。