影片
更多
2012-01-27
376 瀏覽
香港賣日式燒餅地方唔多，以前有遊樂，係我首選，開得夜，又小店風情，跟住試過翔太鐵板燒，都係好唔錯，不過兩間已經無做。接力有bingbing panpan，好玩多過好食，食野都係留返師傅表演好過，citysuper都有，不過就完全唔係果回事。知道呢到新開左，就黎試試，walk in 左三幾次都係無位，人氣好唔錯，都係避開熱潮，三幾個月後先幫襯，適合我呢種唔訂位既懶人。餐牌選擇唔多，是日三位都係懶鬼上身，除左一致係要試個炒麵燒餅，其他的都係直接叫店員介紹好了。店員第一樣介紹係所謂必食既芝士奄列，面頭的蛋好似好熟，不過入面係半熟狀態，只計蛋就真係做得唔錯，芝士呈半溶狀態，全舊都有唔少芝士，爆哂出黎，係做得唔錯的芝士奄列。跟住係燒聖子，溫馨位係煎開左方便食，成碟聖子最好的係個醬汁，聖子亦燒得剛好，都幾唔錯的燒聖子。豚肉燒係店員另一款介紹，燒豚肉加醬汁，灑上大量蔥花，不過醬汁既味道實在太強勁，蓋過哂豚肉味甚至蔥味，豚肉燒得有點燶，帶點香口，整碟就只係食到香口同埋醬汁，不過食燒餅，醬汁就是皇道，個醬本身唔錯的。到主角燒餅，賣相不俗，至少睇得出係燒餅，唔係不收邊幅果d疑似燒餅。個人喜歡多點椰菜絲的燒
餐牌選擇唔多，是日三位都係懶鬼上身，除左一致係要試個炒麵燒餅，其他的都係直接叫店員介紹好了。店員第一樣介紹係所謂必食既芝士奄列，面頭的蛋好似好熟，不過入面係半熟狀態，只計蛋就真係做得唔錯，芝士呈半溶狀態，全舊都有唔少芝士，爆哂出黎，係做得唔錯的芝士奄列。
跟住係燒聖子，溫馨位係煎開左方便食，成碟聖子最好的係個醬汁，聖子亦燒得剛好，都幾唔錯的燒聖子。
豚肉燒係店員另一款介紹，燒豚肉加醬汁，灑上大量蔥花，不過醬汁既味道實在太強勁，蓋過哂豚肉味甚至蔥味，豚肉燒得有點燶，帶點香口，整碟就只係食到香口同埋醬汁，不過食燒餅，醬汁就是皇道，個醬本身唔錯的。
到主角燒餅，賣相不俗，至少睇得出係燒餅，唔係不收邊幅果d疑似燒餅。個人喜歡多點椰菜絲的燒餅，這裡的稍為少，蛋餅反而幾多，不過蛋餅多都唔會食落粉粉，確係唔錯。要有麵底，麵的份量好限量，雖然好食，不過真係少了點。個人黎講，真係一人食一個都未飽。
最後黎的係雞腎，夠爽有咬口，正正常常的。
這種鐵板店，抽氣真係好緊要，呢到未係一頭煙，不過都係焗到暈，要杯凍啤酒以為好一點，不過都真係頂唔順，想坐多一陣都唔係咁ok。
中上價錢，食物水準都唔錯，不過好似選擇少了點，多點選擇應該會更好。張貼
