炯記手撕雞 (汝州街) (已結業)

同朋友係深水埗行街，約埋一齊食Lunch，突然好想食燒味，又想穩間坐得比較舒服的，所以選擇左位於深水埗汝州街既炯記手撕雞餐廳。鋪頭環境好乾净，檯面整齊。餐牌有好多選擇，例如有明爐燒味飯(可轉米粉、瀨粉)，招牌太子鵝油撈麵，雙拼燒味類，手撕鷄腸粉類同埋各款小食。炯記烟熏燒鵝飯 $60 送是日例湯 凍檸檬可樂 +$8老火雞湯好足料，好好飲鵝脾勁吸引，睇到已經超有食欲燒鵝上檯仲暖的鵝皮keep到脆口，鵝肉超級juicy好香油脂味之餘，仲有少少烟熏的味道呢碟燒鵝脾送飯真係一流。燒鵝撈麵 $62 送是日例湯 凍奶茶 +$5撈麵配的燒鵝肥瘦均勻， 一樣係皮脆肉嫩撈麵麵身好爽口，味道亦岩岩好，份量都幾多鵝油沾滿每條麵，但又唔膩味道甜甜地，反而幾開胃另外奶茶底重奶味，好鍾意飲手撕鷄腸粉 $40 凍檸茶+$5呢度的手撕鷄主要係選用鷄脾肉去左肥脂 比較健康鹽焗雞絲好香滑，咸香惹味，鷄味突出腸粉份量多，淋上芝麻醬同甜醬，令人食指大動冬菇扒生菜 $20呢碟適合食太多肉的朋友冬菇入味又重香菇味生菜爽口清甜呢個午餐我同朋友食到好飽，咁多嘢食物都只係$200，食物大份又好食，好高性價比，下次想試二人套餐。