影片
更多
2022-06-26
444 瀏覽
提起深井，香港人一定會諗起燒鵝。燒鵝新鮮，皮脆多汁，就一定好食。但係我自己覺得裕記最好食嘅並唔係燒鵝，而係雞煲翅，同埋酒釀鵝肝。裕記嘅雞煲翅雞味濃郁，好足料，但係收費好合理，一煲四位用都係HK$700左右。個煲上到嚟熱辣辣，仲滾緊，睇返相都覺得正。至於酒釀鵝肝，價錢仲相宜，一碟只係HK$88。我自己唔鍾意食內臟，裕記嘅酒釀鵝肝比較重酒味，所以冇乜內臟嘅味道，而且入口即溶，我每次去到都一定要叫，仲想買多碟打包。但係餐廳係唔會俾你攞走酒釀鵝肝嘅，佢哋話因為酒釀鵝肝唔係全熟，外賣嘅話有衛生問題，所以只可以堂食。裕記歷史悠久，屹立到咁多年不無道理。餐廳環境方面，當然有歷史痕跡，做街坊生意，唔會話好似貴價中餐廳咁靚，反而地下長期都係油油地濕濕地嘅，仲試過食食吓飯發現茶壺裏面有隻曱甴，當然職員知道都有即刻處理。所以如果你有潔癖，又或者係想搵個坐得好舒服，去打卡嘅地方嘅話裕記就唔係好適合你喇。💰: HK$300 pp (Dinner)💝: 7/10
裕記嘅雞煲翅雞味濃郁，好足料，但係收費好合理，一煲四位用都係HK$700左右。個煲上到嚟熱辣辣，仲滾緊，睇返相都覺得正。
至於酒釀鵝肝，價錢仲相宜，一碟只係HK$88。我自己唔鍾意食內臟，裕記嘅酒釀鵝肝比較重酒味，所以冇乜內臟嘅味道，而且入口即溶，我每次去到都一定要叫，仲想買多碟打包。但係餐廳係唔會俾你攞走酒釀鵝肝嘅，佢哋話因為酒釀鵝肝唔係全熟，外賣嘅話有衛生問題，所以只可以堂食。
裕記歷史悠久，屹立到咁多年不無道理。餐廳環境方面，當然有歷史痕跡，做街坊生意，唔會話好似貴價中餐廳咁靚，反而地下長期都係油油地濕濕地嘅，仲試過食食吓飯發現茶壺裏面有隻曱甴，當然職員知道都有即刻處理。所以如果你有潔癖，又或者係想搵個坐得好舒服，去打卡嘅地方嘅話裕記就唔係好適合你喇。
💰: HK$300 pp (Dinner)
💝: 7/10
張貼
