棋哥燒鵝餐室

營業中

休息中

銅鑼灣食物選擇都唔少，難得出左黎，本來應該要食得豐富D，但突然好想食燒味😅，雙腿不其然行左入黎 “棋哥燒鵝”。之前喺尖沙咀都見過有分店，但從來都無食過，只聽聞燒鵝好出色。咁今次就叫燒鵝瀨試下先😋。下午茶時間燒鵝瀨$48，價錢都可以接受，但係份量真係好少，食完都唔夠飽😅。可能因為下午茶份量會少D，如果其他時間唔知夠唔夠食呢🤭？講返個燒鵝先，真係唔錯，食得出淡淡煙燻味道，加上鵝油既香氣，好惹味😋😋😋。不過比較可惜既係骨多肉少，所以只係食左幾啖就食完，完全唔夠喉🤣🤣。另外想講下對個粉好失望，因為分開上既關係，湯底係完全無味既，覺得有D浪費左咁出色既燒鵝😔。棋哥燒鵝果然係無改錯名，燒鵝真係佢既賣點🤗，但如果下次再食，可能只會買單隻燒鵝返屋企食😅。