影片
更多
2019-08-28
45 瀏覽
香港唔同嘅地方都有佢哋特別出名嘅美食，例如去得元朗，就一定要食老婆餅，去鯉魚門就要食海鮮，至於去到深井，梗係要食燒鵝啦，今次又孝敬老媽子，帶埋佢去深井食燒鵝，今次揀返去陳記，因為真係細細個就食開。相比喺出邊嘅鋪頭，其實小菜價錢都唔算貴，難得嚟到當然要食返個例牌嘅燒鵝，我哋仲加埋個燒腩仔添。同時間加咗個啫啫通菜煲，仲有豉汁蒸大鱔。燒味雙拼上菜，份量真係大得驚人，足足有兩排嘅燒腩仔，燒鵝嘅份量亦都唔少。燒鵝外皮香脆，充滿肉汁亦都非常煙韌，我哋亦都馬上叫一碗瀨粉，夾埋嚟食真係一流。燒腩仔亦都係另一個重點，外皮更加係香脆可口，肥肉瘦肉層層分明，咬落去十分甘香，但件肥又真係好邪惡，不過難得食一次都係成嚿拍咗落口。😂豉汁蒸大鱔。豉汁蒸大鱔都幾厚肉，食落仲有啲彈牙添，豉汁嘅味道都好濃郁，仲有少少辣辣地，用嚟送飯都真係唔錯。啫啫通菜煲。呢個又係另外一個重點，呢個通菜煲非常之有鑊氣，而且落咗好多肉碎，調味同埋蝦乾，食落相當重口味，但又會令你食唔停，好耐都未食過咁高質素嘅通菜煲。嚟得大排檔，點可以唔整返支藍妹啤啤佢呢？總結，不論燒鵝，定還是小菜，質素都係非常之高，難怪我當日閒日嚟到，都已經座無虛席
香港唔同嘅地方都有佢哋特別出名嘅美食，例如去得元朗，就一定要食老婆餅，去鯉魚門就要食海鮮，至於去到深井，梗係要食燒鵝啦，今次又孝敬老媽子，帶埋佢去深井食燒鵝，今次揀返去陳記，因為真係細細個就食開。
相比喺出邊嘅鋪頭，其實小菜價錢都唔算貴，難得嚟到當然要食返個例牌嘅燒鵝，我哋仲加埋個燒腩仔添。同時間加咗個啫啫通菜煲，仲有豉汁蒸大鱔。
燒味雙拼上菜，份量真係大得驚人，足足有兩排嘅燒腩仔，燒鵝嘅份量亦都唔少。燒鵝外皮香脆，充滿肉汁亦都非常煙韌，我哋亦都馬上叫一碗瀨粉，夾埋嚟食真係一流。燒腩仔亦都係另一個重點，外皮更加係香脆可口，肥肉瘦肉層層分明，咬落去十分甘香，但件肥又真係好邪惡，不過難得食一次都係成嚿拍咗落口。😂
豉汁蒸大鱔。
豉汁蒸大鱔都幾厚肉，食落仲有啲彈牙添，豉汁嘅味道都好濃郁，仲有少少辣辣地，用嚟送飯都真係唔錯。
啫啫通菜煲。
呢個又係另外一個重點，呢個通菜煲非常之有鑊氣，而且落咗好多肉碎，調味同埋蝦乾，食落相當重口味，但又會令你食唔停，好耐都未食過咁高質素嘅通菜煲。
嚟得大排檔，點可以唔整返支藍妹啤啤佢呢？
總結，不論燒鵝，定還是小菜，質素都係非常之高，難怪我當日閒日嚟到，都已經座無虛席
張貼
