大壹燒鵝 (啟田大廈)

營業中

休息中

今日又擺工唔想煮飯，落街搵野食算，家常便飯黎講我最鍾意去我飯堂食燒鵝，餐廳係藍田啟田道近馬路，方便又易搵，今次我地2個食左燒鵝，鵝肉依然無令我失望，肉質鮮嫩又多汁，最重要係個皮燒得好香脆。另一個小菜就叫左個椒鹽九肚魚，炸得好香口，又唔係好大舊炸粉，魚肉好滑溜。之後嗌左個滑蛋蝦仁炒河，首先炒河要炒得好食已經好難，仲要條條分明，又唔油膩，滑蛋又炒得好細緻，街坊價錢食到酒樓式水準真係bonus，見到仲有其他小菜都想試一試，但真係好可惜我哋得兩條友真係食唔晒。