海港酒家

營業中

休息中

屋企人一向鍾意食中菜，海港酒樓成日都去，今次我哋三個人就嚟咗食晚飯。叫咗半隻燒鵝，燒得好香，皮脆，燒鵝又唔肥，冇好多汁浸住，唔會過鹹，高水準。叫咗兩個小食，鴨翼，同埋酒糟鴨舌，好入味，好好食。跟住叫咗兩個煲仔小菜，一個係薑蔥美國桶蠔，炸粉太多，太厚，不過廚師好細心將每隻號切開一半嚟咋，唔使一人一大隻。不過不失啦。仲有一個豬腩片炆魚扣，魚扣炆得好淋，好入味，攞滿分，不過豬腩片出太多油，之後其他配菜太油食唔到。整體來講，煲仔小菜可以改善下，燒鵝，小菜，非常好食。****************評分 : 6.5/10簡評 : 燒鵝今次攞滿分