檸檬冰室 (冠天閣)

營業中

休息中

過嚟觀塘裕民坊附近，唔想入商場搵食，響周圍蹓躂期間，見到一堆人企喺某個小型商場門口，向上望有個檸檬黃嘅招牌吸引咗目光，平靚正嘅套餐好多選擇。排咗一陣就入座，叫咗至愛嘅燒鵝髀飯，上到枱未食見到都真心係大驚喜，鵝脾超大隻賣相又吸引，食落多汁皮脆肉嫩，熱辣辣嘅程度應該係燒咗一陣就斬件上枱，證明呢款食物好受歡迎，先做出咁好嘅質素。朋友叫咗個無骨海南雞飯，雞肉好嫰滑，油飯香而彈牙，跟餐叫咗杯華田紅豆沙冰，只係加$ 8，大大杯嘅沙冰飲到停唔到口。呢間性價比咁高嘅餐廳，都有幾間分店，值得再試。