滿香燒鵝皇

營業中

休息中

以前出深水埗為咗金翠D肥叉，點知佢轉曬做兩餸飯冇再做燒臘，咁四圍行睇吓有乜嘢食，就經過呢間主推鵝嘅燒臘店。首先環境乾淨，坐得算舒服，見過年食豪D就叫個叉鵝脾飯試吓。隻鵝脾出奇地好食，皮脆肉嫩多汁，完全滿足我口味。D叉燒就偏瘦咗D，下次試吓有冇得叫剩係要肥叉。價錢方面其實同一般市場比較又唔係貴，成隻鵝都係$450咁出面大部份都係差唔多，半斤叉燒$65，以佢嘅質素反而比我平時買開同級平。呢間絕對係我食燒臘嘅選擇。