影片
更多
2023-10-26
1162 瀏覽
天氣開始涼🍂，又心思思想露營啦⛺️，不過真露營唔係話去就去，頂住癮可以去露營餐廳「Campsite」感受下先，趁老公生日月，帶佢去Chill下，開心開心💕餐廳位於朗豪坊，佔地大，採用木系設計，門口位仲有大大張郊野公園枱椅，又有帳篷、搖搖椅、植物牆等，打造原野感覺，夠raw又舒適。食物以西餐為主，特意加入營火燒烤元素，選擇多又有特式，山系體驗好好feel。🍗火焰啤酒雞要預早20分鐘叫，現場加啤酒點火燒一燒，先來視覺享受，記得拎定手機影相。之後店員會幫手斬開隻雞排靚靚再上枱。雞件嫩滑juicy, 有清香啤酒味，原隻春雞份量都唔少，加埋伙碟既蔬菜，好豐富。最難得係蔬菜都Keep到juicy爽脆，同肉類一齊食更健康又無咁易飽。🦑烤原隻魷魚魷魚即場加上酒再燒，炭火味重，肉質結實彈牙有彈性，充滿原始風味。伴碟的粟米、紫薯、脆肉瓜、蘆筍都用鐵板燒出坑紋，很用心，爽甜清新。🥩肉眼牛扒風琴馬鈴薯肉眼選了5成熟，上枱再等一陣岩岩好，炭火牛扒肉香滿溢，鎖住肉汁，肉質稔軟富彈性。🥔風琴馬鈴薯外型得意，燒烤味重，沒加太多調味料，原汁原味夠天然，伴上蒜粒沙律醬一起吃口感更豐富。🌸豆腐柚子櫻花麵粉紅色櫻花冷麵好少女，
餐廳位於朗豪坊，佔地大，採用木系設計，門口位仲有大大張郊野公園枱椅，又有帳篷、搖搖椅、植物牆等，打造原野感覺，夠raw又舒適。
食物以西餐為主，特意加入營火燒烤元素，選擇多又有特式，山系體驗好好feel。
🍗火焰啤酒雞
要預早20分鐘叫，現場加啤酒點火燒一燒，先來視覺享受，記得拎定手機影相。之後店員會幫手斬開隻雞排靚靚再上枱。
雞件嫩滑juicy, 有清香啤酒味，原隻春雞份量都唔少，加埋伙碟既蔬菜，好豐富。最難得係蔬菜都Keep到juicy爽脆，同肉類一齊食更健康又無咁易飽。
🦑烤原隻魷魚
魷魚即場加上酒再燒，炭火味重，肉質結實彈牙有彈性，充滿原始風味。
伴碟的粟米、紫薯、脆肉瓜、蘆筍都用鐵板燒出坑紋，很用心，爽甜清新。
🥩肉眼牛扒風琴馬鈴薯
肉眼選了5成熟，上枱再等一陣岩岩好，炭火牛扒肉香滿溢，鎖住肉汁，肉質稔軟富彈性。🥔風琴馬鈴薯外型得意，燒烤味重，沒加太多調味料，原汁原味夠天然，伴上蒜粒沙律醬一起吃口感更豐富。
🌸豆腐柚子櫻花麵
粉紅色櫻花冷麵好少女，麵條帶來淡淡甜味，伴上柚子醬和滑豆腐吃好清新。
🍍焦糖燒菠蘿雪糕
原塊鮮菠蘿掃上糖漿烤至微焦，迫出糖份後更香甜juicy, 食落仲係暖暖地，加埋雪糕更好味更解膩。
🍡營火朱古力棉花糖夾餅
燒棉花糖是充滿原始和幸福感的甜品，輕輕烤到外層脆口，內層流心最好味，仲可以夾梳打餅一齊食，口感更好。
飲品點了一杯啤酒🍺和士多啤梨梳打🍹，match返露營既氣氛。
張貼
