Karui Bento

營業中

休息中

見到呢間主打輕食嘅便當有好多人排隊，作為一個有羊群心理嘅人，今日都好想試吓！排隊排咗15分鐘左右就可以拎到，時間雖然耐，不過見咁多人排隊，應該都係值得嘅！！😉呢度嘅便當每一份都會標籤住呢個便當嘅卡路里！蛋白質！碳水化合物！脂肪！對於追求營養均衡飲食嘅人來講，一定係覺得好滿意！食物質素:薯仔牛腩野菜便當 ~ 呢一份便當嘅薯仔牛腩好入味，而且薯仔牛腩嘅醬汁亦都好好食！雖然係健康，但係味道亦都好好！再加上牛腩煮得好琳！鹽燒鯖魚野菜便當 ~ 鹽燒鯖魚份量好多，係大大條嘅鯖魚，再加埋呢個魚肉好滑！用少少鹽吊味！成個味道好出好健康！